المشهد الأول :


بطحاء مكه نرى الكعبه فى منتصف المشهد و الأصنام متناثره حولها فى كل مكان , توجد

بعض الحانات على بعد دقائق من الكعبه يظلها النخيل و يطوف بها أهل مكه بعد طوافهم

بالبيت... ثم نقترب فنرى صنمين أحدهم العزى و الاخر هبل .


هبل : ما هذا الحر الشديد


العزى : انها مكه يا عزيزى فى صيفها و حرها ألم تعتده بعد مرور السنين ؟


هبل : بلى و لكنى أرانى حتى الان لا أقوى عليه


العزى : فما بال هؤلاء المساكين الذين يعبدوننا ليلا و نهارا أتراهم يصبرون على جهنم


هبل :يا و يلى ماذا ترانى قائلا لربى يوم يجمعنا ليوم لا ريب فيه


العزى : عسى أن يرحمنا فما نحن الا حجاره نسبح بحمده ليلا و نهارا لولا هؤلاء الجهال

الذين اتخذوا منا الهه


( يقترب رجل من بعيد يلهث و هو يحمل قرابين يكاد ينوء بها من عظمها ثم يقدمها

للصنمين و يركع لهم )


هبل : ويلك يا رجل ماذا تفعل أتسجد لحجر لا ينفع و لا يضر


العزى : يا ليتهم كانوا يستطيعون أن يسمعونا لنهيناهم عن هذا نهيا عظيما


هبل : يا رب إنا تبرئنا منهم ما كانوا يعبدون الا الجن


العزى : اصبر فقد ان لنبى اخر الزمان أن يبعث فصبرا جميل


المشهد الثانى :


جبل الصفا محمد صلى الله عليه و سلم ينادى من فوقه و الناس تجتمع من حوله


هبل : أترى ما أرى


العزى : نعم لقد أذن الله لنبيه أن يجهر بالدعوه


هبل : يا فرحتنا قد قربت ساعه الخلاص , أنصت لتسمع ما يقول


(العزى و هبل ينصتان و يستمعان)


هبل : أنه يقول للناس يا معشر قريش. إن أخبرتكم أن خيلاً تخرج من سفح هذا الجبل

تريد أن تغير عليكم أكنتم مصدقى؟


العزى : نعم يا رسول الله


هبل :نعم هذا ما قالوه


(العزى و هبل ينصتان و يستمعان)


العزى :إنه يقول يا معشر قريش، أنقذوا أنفسكم من النار. فإنى لا أغنى عنكم من اللّه

شيئا


هبل : نعم يا رسول الله قد امنا بك و صدقناك


العزى : لا لقد كذبوا


هبل : ماذا تقول ؟؟؟ أكذبوا رسول الله؟؟ و أين عمه ليصدقه , فإن امن امن باقى عبد

مناف ؟؟


العزى ( و هو يبكى ) : لقد كان عمه أول من كذب به و قال له تباً لك سائر اليوم، ألهذا


جمعتنا ؟؟


هبل : ماذا تقول ؟؟؟؟؟؟؟؟ أتق...


العزى : اسكت فإن رسول الله سيتكلم


(العزى و هبل ينصتان و يستمعان)


العزى : لقد قال تبت يدا أبي لهب وتب ما أغنى عنه ماله وما كسب سيصلى نارا ذات

لهب وامرأته حمالة الحطب في جيدها حبل من مسد


هبل : إن هذا لوحى يوحى و رب الكعبه , يا حسرة على قريش , كرمت ببعثه النبى فكذبته

!!!!


العزى : صبرا جميل و الله المستعان على ما تصفون


المشهد الثالث :


الكعبه فى المنتصف و قد خلت من كل أثر للحياه و أصوات التكبير و التهليل تسمع من

بعيد


هبل : أتسمع ما أسمع ؟؟


العزى : نعم أما إنه لأمر عجيب


(يسمع صوت أبو سفيان من بعيد و هو يقول : يا معشر قريش ! هذا محمد قد جاءكم فيما


لا قبل لكم به فمن دخل دار أبي سفيان فهو آمن )


هبل : الله أكبر


العزى : لَقَدْ صَدَقَ اللَّهُ رَسُولَهُ الرُّؤْيَا بِالْحَقِّ لَتَدْخُلُنَّ الْمَسْجِدَ الْحَرَامَ إِنْ شَاءَ اللَّهُ آمِنِينَ

مُحَلِّقِينَ رُءُوسَكُمْ وَمُقَصِّرِينَ لَا تَخَافُونَ


هبل : أترى رسول الله


العزى : لا , انتظر... هذه مقدمه جيش المسلمين قد ظهرت


هبل : انظر هذه كتائب الجيش تمر واحده واحده


العزى : انظر إنه عمر و عثمان و على


هبل : و أين أبا بكر ؟


العزى : انظر أنه فى صدر الكتيبه الخضراء بجانب رسول الله


هبل : أنه رسول الله صلى الله عليه و سلم


العزى : الله أكبر


هبل : أنظر الى النبى و هو يجمع أهل مكه


العزى : ستقع اليوم منهم مقتلة عظيمه


هبل : لا أما علمت أن الله قال له و ما أرسلناك إلا رحمه للعالمين


العزى : صدقت و رب الكعبه


(العزى و هبل ينصتان و يستمعان)


هبل : أنه يقول لأهل مكه ما تظنون أني فاعل بكم ؟


العزى : لقد أجابوه : خيراً أخ كريم وابن أخ كريم


هبل : أبعد كل ما ارتكبوه فى حق الإسلام يطلبون الرحمه !!!!!!!


العزى : أنصت ..... لقد أجابهم قائلا اذهبوا فأنتم الطلقاء


هبل : صدق من سماه الرؤؤف الرحيم


( النبى صلى الله عليه و سلم يطوف بالبيت و يمس الأصنام فتتساقط )


العزى : قد حانت اللحظه التى نرجع فيها الى أصلنا إلى الأرض


هبل : عسى ربنا أن يرحمنا فما كنا نملك لأنفسنا نفعا و لا ضرا و لا نملك موتا و لا حياة


و لا نشورا و لكن عميت أبصارهم و بصائرهم


( النبى يمس هبل و العزى و هو يقول جاء الحق و زهق الباطل ان الباطل كان زهوقا

فيسقطان على الأرض فيتهشما و جموع المسلمين تكبر و تهلل من حولهم )






بقلب فى الجرنان من كام يوم

لقتهم منزلين ترتيب احسن 500 جامعه فى العالم

طبعا مصر مش فيهم تماما

بس اللى شدنى أكتر الجامعه الاولى

هارفرد

خدت تقييم 100 فى الميه

؟؟؟؟؟

الجامعه التانيه على العالم واخده

73 فى الميه

!!!!!!!!!!

و الفرق بين الجامعه الاولى اللى هى هارفرد و الجامعه التانيه اللى هى ستانفورد

اكبر من الفرق بين الجامعه التانيه و الجامعه السبعتاشر (17 )ء

سرحت شويه مع نفسى

يا ترى الدراسه هناك عامله ازاى

يا ترى بيدرسوا طب هناك ازاى

بجد نفسى اعرف

مش عشان اتيرق على بلدى

بس عشان نستفيد

بس لما شوفت خبر تانى دا اللى قضا عليا

ان اوباما عين زويل مستشار علمى ليه

اوباما احتاج 100 يوم عشان يوصل لزويل و يعينه مستشاره العلمى الخاص

و احنا قعدنا عشر سنين من ساعه مخد جايزه نوبل و محاولناش نستفيد بيه

قتلناه

مش قتل حقيقى بس قتل معنوى

زاحد زى ده لو اديتله مش هاقلك مليارات 

اديله اللى هتقدر عليه و اديله اوائل الجامعات

كان عمل طفره كبيره فى مصر

يلا الحمد لله صحيح

يا أمه ضحكت من جهلها الامم




كنت داخل الشارع بتاعنا فى امان الله

للعلم هو شارع هادى جدا

لقيت زحمه و ناس كتير واقفه

و عربيه اسعاف

يا ساتر يا رب

وقفت اتفرج

و سئلت قالولى دا واحد خبط  اتنين راكبين فزبه و طلع يجرى

لا حول و لا قوه الا بالله

يعنى اللى خبطته دا ممكن مثلا يكون حصلوا حاجه 

نزيف داخلى واو اى حاجه تانيه

بدل ما تلحقه و تنقله للمستشفى بدل ميحصله مصيبه او يموت لا قدر الله

تسيبه و تتطلع تجرى

للأسف ناس كتيره معندهاش شجاعه مواجهه اخطائها

 و تحمل المسؤليه و العواقب

تلاقيه عمل العمله و جرى

مع ان تحملك مسئوليه غلطك و محاولتك اصلاح ما يمكن اصلاحه غير انه هيريح ضميرك

و هيقلل من ذنبك

فدا ممكن يسيب أثر كويس فى نفس اللى غلطت فيه

او على الاقل هيقلل الضغينه

المهم حمدت ربى انى موصلتش وقت الحادثه

قعدت اتخيل و انا داخل الشارع و الحادثه حصلت قدامى

و بعد كده جت مصادفه ان حد يعرفنى شاور عليا و قال

اوعوا الدكتور وصل

دكتور مين يا عم

ابعد عنى

كنت هاطلع اجرى مع الراجل اللى خبطهم

خدنى معاك يا عم

قال دكتور قال

!!!!!!!!!!!!
الموقف دا خلانى اكثر عزما انى اخد دوره اسعافات ان شاء الله

هو انا كنت ناوى من مده

بس دا حفزنى اكتر

بعد كده قعدت اتخيل لما كنت هاقولهم معرفش

كانوا هيسألونى طب نمره الاسعاف كام عشان نكلمهم

احم احم

معرفش

ههههههههههههه

صحيح حد عنده فكره الاسعاف نمرتها كام

هى و المطافى

؟؟؟؟؟؟؟؟؟؟

يا سلام لو تفيدونا

و الله المفروض نكون عارفينها للظروف لا قدر الله

يلا خيييييييييييير

سلام عليكم








كنت نازل الكليه زى اى يوم 

ركبت الميكروباص زى اى يوم

بس السواق مكانش زى كل يوم

يا نهار ابيض

انا بركب من السابع 

لغايه ما وصلنا لنورى خطاب بعدها بمحطتين المفروض بيدخل على السادس

راح كمل على رابعه

قلنا ماشى هيحمل العربيه لسه فاضيه

عقبال ما وصل لرابعه كان لسه محملش

المفترض انه يطلع على المنصه و يكمل على نادى السكه

راح دخل يمين ناحيه عباس

انت يا جدع انت

و بدأ الخناق

السكه واقفه

هو لف عشان يدخل امتداد رابعه

يا عم حتى لو عاوز تدخل ادخل على طول

لفيت ليه

عشان الاشاره

اديتنا اتزنقنا اكتر المهم

بعد كثير من الخناق كمل على امتداد رابعه و حمل ناس صلاح سالم

المنطق انه بينزل فى الاخر نفق العروبه و يطلع على صلاح سالم

نزل النفق لقه طلعه صلاح سالم وقفه راح طلع على يوسف عباس

راح الناس اللى كانت نازله صلاح سالم هبت فيه

و هات يا زعيق  و خناق

يقولهم اصل السكه واقفه

قالوله انت بتمشى على مزاجك

انت ليك سكه 

راح قال انا مكنتش اعرف ان محدش معايا صلاح سالم

كنت عاوز اقوم ابطحه

ازاى

اذ كان راكبين من بعد رابعه

و معروف لاى سواق انه بيطلع على صلاح سالم

مش طالعلى يوسف عباس و راجع على المنصه تانى

طبعا اللى كان مفقوع اكتر اللى قاعد جنبه

شغله فى العباسيه و الراجل لففه نص مصر و فى الاخر طلعه تانى على المنصه

و السواق مقتنع ان هو صح

دى المصيبه

الراجل يقوله الشغل و هنتكتب غياب

راح السواق طلعه هو الغلط

المفروض تنزل قبلها بوقت كافى 

كنت عاوز اقوم ابطحه تانى مره

فالراجل بيقوله مفيش حيله فى الرزق اديك لفيت كل اللف ده و فى الاخر محملتش حد

دا حتى بتوع صلاح سالم خدوا اجرتهم تانى

يقوله اسعى يا عبد و انا اسعى معاك

اخر ما زهق الراجل قله

بس خلاص

كده  كده اتكتب غياب

اصلك انت اللى صح و احنا اللى ولاد كلب

فالسواق بيشهد راكب تانى

رجل كبير كده لابس جلابيه و عمه فبيقوله مش فى يا حج عربيات بتروح رابعه

فالراجل بيقوله لا على اللفه بتاعت صلاح سالم دى

فلما الراجل اللى جنب السواق نزل

فالسواق بيقول الراجل ده من ساعه ما ركب و هو مش عاجبه حاجه 

فالراجل ابو جلابيه بيقوله انت الغلط

راح السواق قاله

انت يا عم الحاج ملكش كلام معايا

عشان انت منافق

الراجل سمع الكلمه دى

و يتشال و يتحط

انا منافق دا انت اللى منافق و ستين منافق

و يتشالو يتحط و اتعفرت اوى
قال ايه عشان مقالش ان فى عربيات بتروح رابعه

يا عم انت كملت بعد رابعه محدش بيعمل كده

عقبال ما نزلت

كانت كل العربيه بتتخانق معاه

هههههههههههههههههههههه

المشكله انه بيغلطنا

يلا

الحمد لله

اللى يعيش ياما يشوف